De Niobe in Sipylo monte iuxta fontem sepulta
Thebarum regina fui, Sipyleia cautes
Quae modo sum. laesi numina Letoidum.
Bis septem natis genetrix laeta atque superba
Tot duxi mater funera quot genui.
5
Nec satis hoc diuis: duro circumdata saxo
Amisi humani corporis effigiem.
Sed dolor obstructis quamquam uitalibus haeret
Perpetuasque rigat fonte pio lacrimas.
Pro facinus! tantaene animis caelestibus irae?
10
Durat adhuc luctus matris, imago perit.
De Niobe in Sipylo monte iuxta fontem sepulta V
codex unicus
V = Leiden, Bibliotheek der Rijksuniversiteit, VLF 111 (saec. IX)
hoc carmen inter Epitaphia extat