In Diogenis Cynici sepulchro in quo pro titulo canis signum erat
"Dic, canis, hic cuius tumulus?" "canis." "at canis hic quis?"
"Diogenes." "obiit?" "non obiit sed abit."
"Diogenes, cui pera penus, cui dolia sedes,
Ad manes abiit?" "Cerberus inde uetat."
5
"Quonam igitur?" "clari flagrat qua stella Leonis
Additus est iustae nunc canis Erigonae."
In Diogenis Cynici sepulchro in quo pro titulo canis signum erat V K M L
In Diogenis Cynici sepulchrum super quod erat canis sculptus C
codices
V = Leiden, Bibliotheek der Rijksuniversiteit, VLF 111 (saec. IX)
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
T = Leiden, Bibliotheek der Rijksuniversiteit, VLQ 107 (saec. XV-XVI)
Z = consensus C K M (L) T
hoc carmen etiam in aliis mss. (b⁴ et d) legitur. in V inter Epitaphia extat