In simulacrum occasionis et paenitentiae
"Cuius opus?" "Phidiae, qui signum Pallados, eius,
Quique Iouem fecit, tertia palma ego sum.
Sum dea quae rara et paucis Occasio nota."
"Quid rotulae insistis?" "stare loco nequeo."
5
"Quid talaria habes?" "uolucris sum; Mercurius quae
Fortunare solet, trado ego, cum uolui.
"Crine tegis faciem." "cognosci nolo." "sed heus tu
Occipiti caluo es." "ne tenear fugiens."
"Quae tibi iuncta comes?" "dicat tibi." "dic, rogo, quae sis."
10
"Sum dea cui nomen nec Cicero ipse dedit;
Sum dea quae facti non factique exigo poenas,
Nempe ut paeniteat: sic Metanoea uocor."
"Tu modo dic, quid agat tecum." "quandoque uolaui
Haec manet; hanc retinent quos ego praeterii.
15
Tu quoque dum rogitas, dum percontando moraris,
Elapsam disces me tibi de manibus."
In simulacrum occasionis et paenitentiae C K M L nullum lemma T
codices
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
T = Leiden, Bibliotheek der Rijksuniversiteit, VLQ 107 (saec. XV-XVI)
Z = consensus C K M (L) T