Ad fontem Danubii iussu Valentiniani Augusti
Danuuius penitis caput occultatus in oris
Totus sub uestra iam dicione fluo.
Qua gelidum fontem mediis effundo Suebis,
Imperiis grauidas qua seco Pannonias,
5
Et qua diues aquis Scythico soluo ostia ponto,
Omnia sub uestrum flumina mitto iugum.
Augusto dabitur sed proxima palma Valenti:
Inueniet fontes hic quoque, Nile, tuos.
Ad fontem Danubii iussu Valentiniani Augusti p¹
Ad fontem Danuvii iussu Valentini Augusti C K M L om. T
codices
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
T = Leiden, Bibliotheek der Rijksuniversiteit, VLQ 107 (saec. XV-XVI)
p¹ = Perugia, Biblioteca Comunale Augusta I 102 (1470-1472)
Z = consensus C K M (L) T