Valete, manes inclitorum rhetorum;
Valete, doctores probi,
Historia si quos uel poeticus stilus
Forumue fecit nobiles,
5
Medicae uel artes, dogma uel Platonicum
Dedit perenni gloriae;
Et si qua functis cura uiuentum placet
Iuuatque honor superstitum,
Accipite maestum carminis cultum mei
10
Textum querella flebili.
Sedem sepulchri seruet immotus cinis,
Memoria uiuat nominum,
Dum remeat illud, iudicis dono dei,
Commune cum dis saeculum.
Poeta V susp. habet Green, del. Combeaud
codex unicus
V = Leiden, Bibliotheek der Rijksuniversiteit, VLF 111 (saec. IX)
carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmina 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9