Coronis
Quos legis a prima deductos menide libri,
Doctores patriae scito fuisse meae,
Grammatici in studio uel rhetoris aut in utroque,
Quos memorasse mihi morte obita satis est.
5
Viuentum illecebra est laudatio; nomina tantum
Voce ciere suis sufficiet tumulis.
Ergo, qui nostrae legis otia tristia chartae,
Eloquium ne tu quaere, sed officium,
Quo claris doctisque uiris pia cura parentat,
10
Dum decora egregiae commeminit patriae.
6
sufficiet V p.c.
sufficit V a.c.
codex unicus
V = Leiden, Bibliotheek der Rijksuniversiteit, VLF 111 (saec. IX)
carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmina 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9