Ausonius commemoratio professorum Burdigalensium 23 = XVI.24 Schenkl = V.23 Peiper = IV.23 Prete = VI.2.23 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Dynamio Burdigalensi qui in Hispania docuit et obiit

 

Sed neque te maesta, Dynami, fraudabo querella,

      Municipem patriae causidicumque meae,

Crimine adulterii quem saucia fama fugauit,

      Paruula quem latebris fouit Ilerda suis,

5

Quem locupletauit coniunx Hispana latentem;

      Namque ibi mutato nomine rhetor eras,

Rhetor Flauini cognomine dissimulatus,

      Ne posset profugum prodere culpa suum.

Reddiderat quamuis patriae te sera uoluptas,

10

      Mox residem rursum traxit Ilerda domus.

Qualiscumque tuae fuerit fuga famaque uitae,

      Iungeris antiqua tu mihi amicitia,

Officiumque meum, sensus si manibus ullus,

     Accipe iam serum morte obita, Dynami.

15

Diuersis quamuis iaceas defunctus in oris,

      Commemorat maestis te pia cura elegis.

Dynamio Charpin

Dinamio V

codex unicus
V = Leiden, Bibliotheek der Rijksuniversiteit, VLF 111 (saec. IX)

carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmina 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9