Ausonius commemoratio professorum Burdigalensium 21 = XVI.22 Schenkl = V.21 Peiper = IV.21 Prete = VI.2.21 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Crispus et Vrbicus grammatici Latini et Graeci

 

Tu quoque in aeuum, Crispe, futurum

Maesti uenies commemoratus

Munere threni.

Qui primaeuos fandique rudes

5

Elementorum prima docebas

Signa nouorum;

Creditus olim feruere mero,

Vt Vergilii Flaccique locis

Aemula ferres.

10

Et tibi, Latiis posthabite orsis

Vrbice, Grais celebris, carmen

Sic ἐλελείσω.

Nam tu Crispo coniuncte tuo

Prosa solebas et uersa loqui

15

Impete eodem,

Priscos ut <simul> heroas olim

Carmine Homeri commemoratos

Fando referres:

Dulcem in paucis et Plistheniden,

20

Et torrentis ceu Dulichii

Ninguida dicta,

Et mellitae nectare uocis

Dulcia fatu uerba canentem

Nestora regem.

25

Ambo loqui faciles, ambo omnia carmina docti,

     Callentes μύθους, πλάσματα et historiam,

Liberti ambo genus, sed quos meruisse deceret

     <Sic> nasci ut cluerent patribus ingenuis.

Crispus et Vrbicus grammatici Latini et Graeci Charpin, Scaliger

codex unicus
V = Leiden, Bibliotheek der Rijksuniversiteit, VLF 111 (saec. IX)

carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmina 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9