Ausonius commemoratio professorum Burdigalensium 19 = XVI.20 Schenkl = V.19 Peiper = IV.19 Prete = VI.2.19 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Sedatus rhetor Tolosanus

 

Religio est tacitum si te, Sedate, relinquam,

Quamuis docendi munus indeptum foris.

Communis patria est tecum mihi; sorte potentis

Fati Tolosam nanctus es sedem scholae.

5

Illic coniugium natique opulensque senectus

Et fama, magno qualis est par rhetori.

Quamuis externa tamen a regione reducit

Te patria et ciuem morte obita repetit,

Cumque uagantem operam diuisae impenderis urbi,

10

Arbitrium de te sumit origo suum.

Et tua nunc suboles morem resecuta parentis

Narbonem ac Romam nobilitat studiis;

Sed †uelit nolit famae† <. . .>

<. . .> Burdigalam referet.

Sedatus rhetor Tolosanus Charpin

Sedatus rhetor Scaliger

codex unicus
V = Leiden, Bibliotheek der Rijksuniversiteit, VLF 111 (saec. IX)

carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmina 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9