Citario Siculo Syracusano grammatico Burdigalensi Graeco
Et, Citari dilecte, mihi memorabere, dignus
Grammaticos inter qui celebrere bonos.
Esset Aristarchi tibi gloria Zenodotique,
Graios antiquus si sequeretur honos.
5
Carminibus, quae prima tuis sunt condita in annis,
Concedit Cei Musa Simonidei.
Vrbe satus Sicula nostram peregrinus adisti,
Excultam studiis quam prope reddideras.
Coniugium nanctus cito nobilis et locupletis,
10
Inuidia fati non genitor moreris.
At nos defunctum memori celebramus honore,
Fouimus ut uiuum munere amicitiae.
Siculo V
Sidonio Reeve, Combeaud
codex unicus
V = Leiden, Bibliotheek der Rijksuniversiteit, VLF 111 (saec. IX)
carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmen 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9