Ausonius commemoratio professorum Burdigalensium 3 = XVI.4 Schenkl = V.3 Peiper = IV.3 Prete = VI.2.3 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Luciolus rhetor

 

Rhetora Luciolum condiscipulum atque magistrum

     Collegamque dehinc, nenia maesta, refer,

Facundum doctumque uirum, seu lege metrorum

     Condita seu prosis solueret orsa modis,

5

Eripuit patri Lachesis quem funere acerbo

     Linquentem natos sexui utroque duos,

Nequaquam meritis cuius responderit heres,

     Obscuros quamuis nunc tua fama iuuet.

Mitis amice, bonus frater, fidissime coniunx,

10

      Nate pius, genitor - paenitet ut fueris.

Comis conuiuis, numquam inclamare clientes,

      Ad famulos numquam tristia uerba loqui.

Vt placidos mores, tranquillos sic cole manes,

      Et cape ab Ausonio munus: amice, uale.

1

condiscipulum Vinetus 1580

cum discipulo V

codex unicus
V = Leiden, Bibliotheek der Rijksuniversiteit, VLF 111 (saec. IX)

carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmina 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9