Pomponia Vrbica consocrus
Vt generis clari, ueterum sic femina morum,
Vrbica, Censoris nobilitata toro,
Ingenitis pollens uirtutibus auctaque et illis
Quas docuit coniunx, quas pater et genetrix,
5
Quas habuit Tanaquil, quas Pythagorea Theano,
Quaeque sine exemplo pro nece functa uiri;
Et tibi <si> fatum sic permutare dedisset,
Viueret hoc nostro tempore Censor adhuc.
Sed neque tu uiduo longum cruciata sub aeuo
10
Protinus optato fine secuta uirum.
Annua nunc maestis ferimus tibi iusta querellis
Cum genero et natis consocer Ausonius.
6
pro nece Harrison, Owen, Lolli, Green, Combeaud, Dräger 2012
in nece V Peiper
est in nece Charpin, Tollius, Bipontina, Canal
in vice Schenkl
funere Campbell
codex unicus
V = Leiden, Bibliotheek der Rijksuniversiteit, VLF 111 (saec. IX)