Aemilia Melania soror
Aemilia, <o>, uix nota mihi soror, accipe questus,
Debent quos cineri maesta elegea tuo.
Coniunxit nostras aequaeua infantia cunas,
Vno quamuis tu consule maior eras.
5
Inuida sed nimium Lachesis properata peregit
Tempora et ad manes funera acerba dedit.
Praemissa ergo uale manesque uerere parentum,
Qui maiore aeuo quique minore uenit.
1
<o> uix Peiper in app., Green, Combeaud, Dräger 2012, lac. posuit Lolli
vix V
<hos> vix Charpin, Tollius, Bipontina, Canal
<et> vix Schenkl, Peiper, Prete
<heu> vix Kenney
<en> vix Brandes 1877
codex unicus
V = Leiden, Bibliotheek der Rijksuniversiteit, VLF 111 (saec. IX)