Paulinus sororis gener
Qui laetum ingenium, mores qui diligit aequos
Quique fidem sancta cum pietate colit,
Paulini manes mecum ueneratus amicis
Irroret lacrimis, annua liba ferens.
5
Aequaeuus, Pauline, mihi, natamque sororis
Indeptus thalamo; sic mihi paene gener.
Stirpis Aquitanae mater tibi; nam genitori
Cossio Vasatum, municipale genus.
Scrinia praefecti meritus, rationibus inde
10
Praepositus Libycis praemia opima capis:
Nam correcturae tibi Tarraco Hibera tribunal
Praebuit, affectans esse clienta tibi.
Tu socrum pro matre colens affinis haberi
Non poteras, nati cum fruerere loco.
15
Inter concordes uixisti fidus amicos,
Duodeuiginti functus Olympiadas.
6
Indeptus Scaliger
adeptus V
codex unicus
V = Leiden, Bibliotheek der Rijksuniversiteit, VLF 111 (saec. IX)