Veria Liceria uxor Arborii sororis filii
Tu quoque, siue nurus mihi nomine uel uice natae,
Veria, supremi carmen honoris habe.
Cuius si probitas, si forma et fama fidesque
Morigerae uxoris lanificaeque manus
5
Nunc laudanda forent, procul et de manibus imis
Arcessenda esset uox proaui Eusebii.
Qui quoniam functo iam pridem conditus aeuo
Transcripsit partes in mea uerba suas,
Accipe funereas, neptis defleta, querellas,
10
Coniunx Arborii commemoranda mei,
Cui parua ingentis luctus solacia linquens
Destituis natos, quo magis excrucias.
At tibi dilecti ne desit cura mariti,
Iuncta colis thalamo nunc monumenta tuo.
15
Hic, ubi primus hymen, sedes ibi maesta sepulchri;
Nupta magis dici quam tumulata potes.
1
siue Peiper 1879
vel V
vera Heinsius ap. Green
seu Peiper in app.
codex unicus
V = Leiden, Bibliotheek der Rijksuniversiteit, VLF 111 (saec. IX)