Val. Latinus Euromius gener
O generis clari decus, o mihi funus acerbum,
Euromi, e iuuenum lecte cohorte gener,
Occidis in primae raptus mihi flore iuuentae,
Lactantis nati uix bene note pater.
5
Tu procerum de stirpe satus, praegressus et ipsos
Vnde genus clarae nobilitatis erat,
Ore decens, bonus ingenio, facundus et omni
Dexteritate uigens praecipuusque fide.
Hoc praefecturae sedes, hoc Illyris ora
10
Praeside te experta est, fiscus et ipse cliens.
Nil aeui breuitate tamen tibi laudis ademptum:
Indole maturus, funere acerbus obis.
Val. Latinus Scaliger
Vallatinus V
codex unicus
V = Leiden, Bibliotheek der Rijksuniversiteit, VLF 111 (saec. IX)