Prae cuncta uitae commoda est mortalibus
De fine <uitae semper esse> nescium
Quibusque metis fata claudantur sui.
Mens quippe homulli non uidet uariantia,
5
Quod haec reformet perpes aeuiternitas.
Nam si facessat casuum scientia,
Laeta est timoris omnis ignoratio.
Quare id putato tute commodissimum,
Si spes futuri nullo foedetur metu.
10
Ergo hisce quae fas instruere ut praescias.
Tu nam leuatus nostra praepotentia
Quaecumque gens sit obuia sternes manu
Tuncque haec reuises animo, liber artubus.
Vrbs uero, quam nunc erigis mundi decus,
15
Nitore surget cunctis exoptabilis
Saeclis, uirescens temporum recursibus
Vnaque semper fulta beatitudine,
Frequens deorum templis atque numine
Decusque uincens ciuium concordia.
20
Optata sedes uitae <...
...> quale tum capit
Cunabulisque gratio genitalibus.
Quippe ipse laetis coetibus praesul cluo
Interminatis saeculorum cursibus,
25
Fundata quod sit tellus hisce legibus
Ridens sereno uel corusco lumine.
Quippe austri solum sontibus iam libera
Flabris, fouetur blandius spirantibus,
Ne quid potentum saeuitudo daemonum
30
Exim noceret imperioso numine.
Est namque fatum motibus nutantibus
Telluris huius penita contremiscere
Famemque nosse celere perfunctam metu,
Tractus luales atque bella percita.
35
Enim facessent ista ceu si somnium.
<Te semper> reges multigenarum gentium
Honore diuum summo cultu exambient
Astris receptum caelitumque congregem,
Quorum frequente cultu sit beatior
40
Tuosque praestas numine augustissimo.
Haec quippe sedes corpori est caelum tuo.
Nunc ipse quis sim mente bibula percipe
Nomenque nostrum <ex> hisce numeris collige:
Sub Graia primum biscentena littera
45
Vnum repone numerum et centum dehinc
Vnumque post id, tunc quater uiginti sint
Decemque iuxtim eaque sit nouissima,
Quae prima fixa est, idque sit nomen mihi.
2
De fine <uitae semper esse> nescium F. Skutsch in ed. Iul. Val. Kueblerianae exemplari suo
de fine certum finisse nescire Iul. Val. 1, 33 R. cod. Ambrosianus P. sup. 49
Iul. Val. 1, 33 R. (31 Kueb.): "prae ... mihi".
Ps.-Callisth. 1, 33, 11: Ἄλυπόν ἐστι καὶ καλὸν καὶ τίμιον [...] / καὶ τότε νοήσεις, τίς πέφυκ’ ἐγὼ θεός.