Commodianus instructiones 2, 26

Altre sezioni


Infirmus si fuerit frater - de paupere dico -,

Nolite uacui talem uisitare iacentem.

Fac sub deo bonum, obsequia redd<it>e primum,

Inde si ualescit uel si considerat ille,

5

Refoueatur homo pauper, qui non habet unde

Mercedem tibi pro illo, sed conditor orbis et auctor.

Vel si pigreret ire ad pauperem semper abosum,

Mitte numos ei, unde se resumere possit.

Similiter que soror si paupera lecto decumbet,

10

Incipiant uestrae matronae uictualia ferre.

Clamat ipse deus: frange tuum panem egeno!

Verbis opus non est uisitare sed benefactis.

Iniquum est: frater inopia uictus aegrotat.

Satagit non uerbis, sed esum potum que requirit ille

15

Inspicite tales, sed certe debilitatos,

Transigere sese qui non possunt; date subinde!

A domino uobis spondeo <ego> dari quadruplum.