argumenta Plautina Truculentus


Tres unam pereunt adulescentes mulierem,

Rure unus, alter urbe, peregre tertius;

Vtque ista ingenti militem tangat bolo,

Clam sibi supposuit clandestino editum.

5

Vi magna seruos est ac trucibus moribus,

Lupae ni rapiant domini parsimoniam;

Et is tamen mollitur. Miles aduenit

Natique causa dat propensa munera.

Tandem compressae pater cognoscit omnia,

10

Vtque illam ducat qui uitiarat conuenit,

Suomque is repetit a meretrice subditum.