argumenta Plautina Mercator


1.

Missus mercatum ab suo adulescens patre

Emit atque adportat scita forma mulierem.

Requirit quae sit, postquam eam uidit, senex:

Confingit seruos emptam matri pedisequam.

5

Amat senex hanc, at se simulans uendere

Tradit uicino; eum putat uxor sibi

Obduxe scortum. Tum Charinum ex fuga

Retrahit sodalis, postquam amicam inuenit.

 

2.

Mercatum asotum filium extrudit pater.

Is peregre missus redimit ancillam hospitis

Amore captus, aduehit. Naue exilit,

Pater aduolat, uisam ancillam deperit.

5

Cuius sit percunctatur; seruus pedisequam

Ab adulescente matri emptam ipsius.

Senex, sibi prospiciens, ut amico suo

Veniret natum orabat, natus ut suo:

Hic filium subdiderat uicini, pater

10

Vicinum; praemercatur ancillam senex.

Eam domi deprensam coniunx illius

Vicini scortum insimulat, protelat uirum.

Mercator exspes patria fugere destinat,

Prohibetur a sodale, qui patrem illius

15

Orat cum †suo patre† nato ut cederet.

[Absente cum lenone perfido].