Illusit mihi pauper inquilinus:
Cum †libum dederat† molaque fusa,
†quarum† partibus additis in ignem,
..............................
Sacro protinus hinc abit peracto.
5
Vicini canis huc subinde uenit
Nidorem, puto, persecuta fumi,
Quae libamine mentulae comeso
Tota nocte mihi litat †rigendo†
At uos amplius hoc loco cauete
10
Quicquam ponere, ne famelicorum
Ad me turba uelit canum uenire,
Ne dum me colitis meumque numen,
Custodes habeatis irrumatos.