Cur pictum memori sit in tabella
Membrum quaeritis, unde procreamur?
Cum penis mihi forte laesus esset
Chirurgique manum miser timerem,
5
Me dis legitimis nimisque magnis,
Vt Phoebo puta filioque Phoebi,
Curatum dare mentulam uerebar;
Huic dixi: "fer opem, Priape, parti,
Quoius tu, pater, ipse pars uideris;
10
Qua salua sine sectione facta
Ponetur tibi picta, quam leuaris,
Verpa consimilisque concolorque".
Promisit fore mentulamque mouit
Pro nutu deus et rogata fecit.
1
Cf. ex. gr. Pap. SB 8266 (261-60 a.C.): Polyaretos quidam deo medicinae cui Amenot nomen est, gratias agit, a quo sanatus erat, cum medicorum doctrina uana fuisset.