Vuis aridior puella passis,
Buxo pallidior nouaque cera,
Collatas sibi quae suisque membris
Formicas facit altiles uideri;
5
Quoius uiscera non aperta Tuscus
Per pellem poterit uidere haruspex:
Quae suco caret usque <ut ore> putri
Nemo uiderit hanc uel expuentem;
Quam pro sanguine puluerem scobemque
10
In uenis medici putant habere
Ad me nocte solet uenire et affert
Pallorem maciemque larualem.
Ductor ferreus insulariusque
Lanternae uideor fricare cornu.