Porro (nam quis erit modus?) Quirites
Aut praecidite seminale membrum,
Quod totis mihi noctibus fatigant
Vicinae sine fine prurientes
5
Vernis passeribus salaciores,
Aut rumpar nec habebitis Priapum.
Ipsi cernitis, ecfututus ut sim
Confectusque macerque pallidusque,
Qui quondam ruber et ualens solebam
10
Fures caedere quamlibet ualentes.
Defecit latus et periculosam
Cum tussi miser expuo saliuam.