Quaedam <hau> iunior Hectoris parente,
Cumaeae soror, ut puto, Sibyllae,
Aequali tibi, quam domum reuertens
Theseus repperit in rogo iacentem,
5
Infirmo solet huc gradu uenire
Rugosasque manus ad astra tollens,
Ne desim sibi mentula, rogare.
Hesterna quoque luce dum precatur,
Dentem de tribus excreauit unum.
10
"Tolle" inquam "procul et iube latere
Scissa sub tunica stolaque russa,
Vt semper solet, et timere lucem
Qui tanto patet indecens hiatu,
Barbato macer eminente naso,
15
Vt credas Epicuron oscitari".
1
hau Cazzaniga om. ω