Obscure poteram tibi dicere: "da mihi, quod tu
Des licet assidue, nil tamen inde perit.
Da mihi, quod cupies frustra dare forsitan olim,
Cum tenet obsessas inuida barba genas,
5
Quodque Ioui dederat qui raptus ab alite sacra
Miscet amatori pocula grata suo,
Quod uirgo prima cupido dat nocte marito,
Dum timet alterius uolnus inepta loci."
Simplicius multo est "da pedicare" Latine
10
Dicere. quid faciam? crassa Minerua mea est.