Facundos mihi de libidinosis
Legisti nimium, Sabelle, uersus,
Quales nec Didymi sciunt puellae
Nec molles Elephantidos libelli.
5
Sunt illic Veneris nouae figurae,
Quales perditus audeat fututor,
Praestent et taceant quid exoleti,
Quo symplegmate quinque copulentur,
Qua plures teneantur a catena,
10
Exstinctam liceat quid ad lucernam.
Tanti non erat esse te disertum.