Martialis epigrammata 11, 91

Altre sezioni


Aeolidos Canace iacet hoc tumulata sepulchro,

      Vltima cui paruae septima uenit hiems.

Ah scelus, ah facinus! properas qui flere, uiator,

      Non licet hic uitae de breuitate queri:

5

Tristius est leto leti genus: horrida uultus

      Apstulit et tenero sedit in ore lues,

Ipsaque crudeles ederunt oscula morbi

      Nec data sunt nigris tota labella rogis.

Si tam praecipiti fuerant uentura uolatu,

10

      Debuerant alia fata uenire uia.

Sed mors uocis iter properauit cludere blandae,

      Ne posset duras flectere lingua deas.