Martialis epigrammata 10, 98

Altre sezioni


Addat cum mihi Caecubum minister

Idaeo resolutior cinaedo,

Quo nec filia cultior nec uxor

Nec mater tua nec soror recumbit,

5

Vis spectem potius tuas lucernas

Aut citrum uetus Indicosque dentes?

Suspectus tibi ne tamen recumbam,

Praesta de grege sordidaque uilla

Tonsos, horridulos, rudes, pusillos

10

Hircosi mihi filios subulci.

Perdet te dolor hic: habere, Publi,

Mores non potes hos et hos ministros.