Accidit infandum nostrae scelus, Aule, puellae;
Amisit lusus deliciasque suas:
Non quales teneri plorauit amica Catulli
Lesbia, nequitiis passeris orba sui,
5
Vel Stellae cantata meo quas fleuit Ianthis,
Cuius in Elysio nigra columba uolat:
Lux mea non capitur nugis neque moribus istis
Nec dominae pectus talia damna mouent:
Bis senos puerum numerantem perdidit annos,
10
Mentula cui nondum sesquipedalis erat.
5
Stellae β
stella γ