Sic me fronte legat dominus, Faustine, serena
Excipiatque meos qua solet aure iocos,
Vt mea nec iuste quos odit pagina laesit
Et mihi de nullo fama rubore placet.
5
Quid prodest, cupiant cum quidam nostra uideri,
Si qua Lycambeo sanguine tela madent,
Vipereumque uomat nostro sub nomine uirus,
Qui Phoebi radios ferre diemque negat?
Ludimus innocui: scis hoc bene: iuro potentis
10
Per genium Famae Castaliumque gregem
Perque tuas aures, magni mihi numinis instar,
Lector inhumana liber ab inuidia.
7
uomat β
uomant γ