Adlatres licet usque nos et usque
Et gannitibus improbis lacessas,
Certum est hanc tibi pernegare famam,
Olim quam petis, in meis libellis
5
Qualiscumque legaris ut per orbem.
Nam te cur aliquis sciat fuisse?
Ignotus pereas, miser, necesse est.
Non derunt tamen hac in urbe forsan
Vnus uel duo tresue quattuorue,
10
Pellem rodere qui uelint caninam:
Nos hac a scabie tenemus ungues.
4
in γ
a β