Cras te uicturum, cras dicis, Postume, semper.
Dic mihi, cras istud, Postume, quando uenit?
Quam longe cras istud, ubi est? aut unde petendum?
Numquid apud Parthos Armeniosque latet?
5
Iam cras istud habet Priami uel Nestoris annos.
Cras istud quanti, dic mihi, posset emi?
Cras uiues? Hodie iam uiuere, Postume, serum est:
Ille sapit quisquis, Postume, uixit heri.
1
te β γ
bene D Cfr. Amarc. serm. IV 274 sq. ne dicas, cras incipiam bene uiuere, sed nunc / incipe, ne tardes