Cui tradas, Lupe, filium magistro
Quaeris sollicitus diu rogasque.
Omnes grammaticosque rhetorasque
Deuites moneo: nihil sit illi
5
Cum libris Ciceronis aut Maronis,
Famae Tutilium suae relinquat;
Si uersus facit, abdices poetam.
Artes discere uult pecuniosas?
Fac discat citharoedus aut choraules;
10
Si duri puer ingeni uidetur,
Praeconem facias uel architectum.
6
relinquat β
relinquas γ