Quod nouus et nuper factus tibi praestat amicus,
Hoc praestare iubes me, Fabiane, tibi:
Horridus ut primo semper te mane salutem
Per mediumque trahat me tua sella lutum,
5
Lassus ut in thermas decima uel serius hora
Te sequar Agrippae, cum lauer ipse Titi.
Hoc per triginta merui, Fabiane, Decembres,
Vt sim tiro tuae semper amicitiae?
Hoc merui, Fabiane, toga tritaque meaque,
10
Vt nondum credas me meruisse rudem?
3
semper te β γ
te semper α