Martialis epigrammata 1, 101

Testo base di riferimento: W. M. Lindsay, 1929

Cura dell'edizione digitale: A. Fusi, 2009

Altre sezioni


Illa manus quondam studiorum fida meorum

      Et felix domino notaque Caesaribus,

Destituit primos uiridis Demetrius annos:

      Quarta tribus lustris addita messis erat.

5

Ne tamen ad Stygias famulus descenderet umbras,

      Vreret implicitum cum scelerata lues,

Cauimus et domini ius omne remisimus aegro:

      Munere dignus erat conualuisse meo.

Sensit deficiens sua praemia meque patronum

10

      Dixit ad infernas liber iturus aquas.

7

aegro γ P f

ergo L Q