Martialis de spectaculis 3

Testo base di riferimento: W. M. Lindsay, 1929

Cura dell'edizione digitale: M. Manca, 2009

Altre sezioni


Quae tam seposita est, quae gens tam barbara, Caesar,

      Ex qua spectator non sit in urbe tua?

Venit ab Orpheo cultor Rhodopeius Haemo,

      Venit et epoto Sarmata pastus equo,

5

Et qui prima bibit deprensi flumina Nili,

      Et quem supremae Tethyos unda ferit;

Festinauit Arabs, festinauere Sabaei,

      Et Cilices nimbis hic maduere suis.

Crinibus in nodum torti uenere Sicambri,

10

      Atque aliter tortis crinibus Aethiopes.

Vox diuersa sonat populorum, tum tamen una est,

      Cum uerus patriae diceris esse pater.

9

Sicambri Duff

Sicambri T