Perfidus interea missorum sera uirorum
Tempora dum queritur, dum spectat colla recisa
Tydeos inuisi, tunc unus tanta ex caede relictus
Aduenit Haemonides, sociorum funera pandens.
5
Iuppiter hinc Martem stimulis flammauit amaris,
Spargeret ut Thebis Argisque incendia belli.
At Venus Harmoniam memorat Thebasque tuetur.
Tunc duo gliscentis pugnae praesagia uates
Explorant diuos cernuntque instare futuras
10
Crudelis populo strages, sed dicere mussant.
Hic ferus insistit Capaneus bellumque lacessit
Vociferans spernitque deos sociosque fatigat.