Incredulus populus non est nisi uester, iniqui,
Tot locis et totiens reprobatus lege clamantum.
Et sabbatas uestras spernit et tricensimas Altus
Rescidit omnino uniuersas uestras de lege,
5
Vt nec sacrificia faceret<is> illi praecepta
Mittere qui dixit lapidem in scandalo uestro.
Iniqua si quis uestrum non crediderint morte
Pars alia legis clama<t>: "Videbitis inde
Suspensam in ligno uitam; nec illi credidistis".
10
Ipse Deus uita est, pependit ipse pro nobis,
Sed uos indurato corde subsannatis eundem.