ICUR-02, 04157 = ILCV 00991

Saeua uorax nil posse tua mors aspice uires

      Viuit in aeternum quem peremisse putas

Nam bona distribuens qui nil migrando relinquit

      Per te post missas ire uidetur opes

5

Hic primum subitam non sumpsit laude coronam

      Sed gradibus meruit crescere sanctus homo

Atque hominum uitium blando sermone remouit

      Nec iudex culpis sed medicina fuit

Praesule quo nullum turbauit bellicus horror

10

      Saeua nec angelici uulneris ira fuit

Quem famis ira dapes quem nudus sensit amictum

      Vincebat lacrimis omnia dira suis

 

 

Provincia: Roma Località: Roma
Postscriptum: [hic requiescit Sabi]nianu[s qui sed(it) ann(um) I m(enses) V d(ies) VIIII]
[depositus VIIII K(alendas) Mart(ias) / p(ost) c(onsulatum) d(omini) n(ostri)] Focae [anno quarto ind(ictione) VIIII]

 

Reference basis text: ICUR-02, 04157

Editing of the digital edition: E. Saltelli (2011)

 

Elegiac couplets