Mossong-2022, 00646 = CIL 11, 00260

Aut lux hic nata est, aut capta hic libera regnat.

Lex est ante, uenit caeli decus unde modernum,

Aut priuata diem pepererunt tecta nitentem,

Inclusumque iubar secluso fulget Olimpo.

5

Marmora cum radiis uernantur, cerne, serenis

Cunctaque sidereo percussa in murice saxa.

Auctoris pretio splendescunt munera Petri.

Huic honor, huic meritum tribuit, sic comere parua,

Vt ualeant spatiis amplum superare coactis

10

Nihil modicum Christo est. Artas bene possidet aedes,

Cuius in humano consistunt pectore templa.

Fundamen Petrus, Petrus fundator et aula.

Quod domus, hoc dominus, quod factum, factor et idem.

Moribus atque opere, Christus possessor habetur,

15

Qui duo consocians mediator reddit et unum.

Huc ueniens fundat parituros gaudia fletus,

Contritam solidans percusso in pectore mentem.

Ne iaceat, se sternat humo morbosque latentes

Ante pedes medici, cura properante, recludat.

20

Saepe metus mortis uitae fit causa beatae.

1

Cf. Agnellus, Liber Pontificalis Ecclesiae Ravennatis 50 (ed. O. Holder-Egger, MGH, Hannoverae 1878)

5

uernantur leg. Mossong; uernantia leg. Bormann

Regio VIII Aemilia / Località: Ravenna
Datazione: 494-519/520 d.C.

EDCS

 

Testo base di riferimento: Mossong-2022, 00646

Cura dell'edizione digitale: A. Prontera, 2022

 

Bormann = E. Bormann, Corpus Inscriptionum Latinarum (CIL), XI.1: Inscriptiones Aemiliae Etruriae Umbriae Latinae, Berolini 1888

Mossong = I. Mossong, Der Klerus des spätantiken Italiens im Spiegel epigraphischer Zeugnisse. Eine soziohistorische Studie, Berlin - Boston 2022

Esametri