Mossong-2022, 00643 = CIL 11, 00258

Principium nitidi prima sub origine mundi,

Cum mare, tellurem, caeli cum lucida regna

Virtus celsa patris natique potentia fecit;

Cumque nouus sol, luna, dies, aurora micabit,

5

Ex illo astrigerum radiabit lumine caelum.

Vnus in orbe nouo uir terra uirgine factus

Exiliuit humo, insons hic corpore, sensu.

Iste dei meruit uocitari solus imago,

Namque sui similem hominem produxit in orbem

10

Supremi genitoris amor, dominumque locauit.

Hunc sator omnipotens, rerum ditissimus, ipse

Multifluis opibus longum ditauit in aeuum.

Isti cuncta simul siluarum praemia cessit,

Iussit in aeternum fetus producere terram.

15

Huius oues niueae, nitidae per gramina uaccae,

Huius et alticomis sonipes fuluique leones,

Huius erant passim ramosi in cornua cerui

Pinnatique greges auium piscesque per undas.

Omnia namque deus homini, quaecumque parauit,

20

Tradidit et uerbo pariter seruire coegit.

Hunc tamen in primis monitis caelestibus olim

Obseruare suam legem et uitalia iussit,

Praecepit uetita [auderet] ne mandere poma.

Praeceptum spernens sic perdidit omnia secum.

1

Cf. Agnellus, Liber Pontificalis Ecclesiae Ravennatis 29 (ed. O. Holder-Egger, MGH, Hannoverae 1878)

Regio VIII Aemilia / Località: Ravenna
Datazione: 200-500 d.C.

EDCS

 

Testo base di riferimento: Mossong-2022, 00643

Cura dell'edizione digitale: A. Prontera, 2022

 

Esametri