CLEAfr-02, 00185 = AE 1922, 00025 = AE 1966, 00546 = CLEAfr-01, p 60 = Hamdoune-2016, p 147 = ILAlg-02-03, 08299

Hic ubi tam claris laudantur moenia tectis,

Culmina quod nitent sanctaque altaria cernis,

Non opus est procerum sed tanti gloria facti

Cresconi rectoris ouat cum saecula nomen.

5

Quibus honorificos eum ostendente labores

Iustos in pulcra sede gaudent locasse priores,

Quos diuturna quies fallebat posse uideri.

Nunc luce profulgent subnixi altare decoro

Collectamque sua gaudent florere coronam,

10

Animo quod sollers inpleuit custos honestus.

Vndique se uisendi studio Cristiana decurrit

Aetas in unam congeriem Deo dicere laudes

Liminaque sancta pedibus contingere laeta,

Omnis sacra canens, manus porrigere gaudet

15

Sacramento Dei medicinam sumere c[r]ismae.

Cresconius legibus ipsis et altaribus natus

Honoribusque in eclesia catolica <f>unctus,

Castitatis custos caritati pacique dicatus,

Cuius doctrina floret innumera pleps Cuiculitana,

20

Pauperum amator, elemosine deditus omni,

Cui nunquam defuere unde opus celeste fecisset:

Huius anima refrigerat, corpus in pace quiescit

Resurrectione expectans futura in Cristo corona

Consors ut fiat sanctis in sede regni celestis