ILCV 01513

Gens sacranda polis hoc semine nascitur almo,

      Quam fecundatis spiritus edit aquis.

Mergere, peccator sacro purgande fluento:

      Quem ueterem accipiet, proferet unda nouum.

5

Nulla renascentum est distantia, quos facit unum

      Vnus fons, unus spiritus, una fides.

Virgineo faetu genitrix ecclesia natos,

      Quos spirante deo concipit, amne parit.

Insons esse uolens isto mundare lauacro,

10

      Seu patrio premeris crimine seu proprio.

Fons hic uitae, qui totum diluit orbem

      Sumens de Christi uulnere principium.

Coelorum regnum sperate, hoc fonte renati;

      Non recipit felix uita semel genitos.

15

Nec numerus quenquam scelerum nec forma suorum

      Terreat: hoc natus flumine sanctus erit.

Regio I Latium et Campania / Località: Roma
Datazione: 432-440 d.C

EDCS

 

Testo base di riferimento: ILCV 01513

Cura dell'edizione digitale: E. Saltelli, 2011 - A. Prontera, 2022

 

Distici elegiaci