ILCV 01770 = ICUR-07, 18371 = Mossong-2022, 00104

Demouit dominus tenebras ut luce creata,

      His quondam latebris sic modo fulgor inest.

Angustos aditus uenerabile corpus habebat

      Huc, ubi nunc populum largior aula capit.

5

Eruta planities patuit sub monte reciso

      Estque remota graui mole ruina minax.

Praesule Pelagio martyr Laurentius olim

      Templa sibi statuit tam pretiosa dari.

Mira fides gladios hostiles inter et iras

10

      Pontificem meritis haec celebrasse suis.

Tu modo sanctorum cui crescere constat honoris

      Fac sub pace coli tecta dicata tibi.

Regio I Latium et Campania / Località: Roma
Datazione: 570-590 d.C.

EDCS
EDB

 

Testo base di riferimento: ICUR-07, 18371

Cura dell'edizione digitale: E. Saltelli, 2011 - A. Prontera, 2022

 

Distici elegiaci