ICUR-02, 04148 = Carletti-2008, 00103 = Mossong-2022, pp 209-210

Huius apostolici primum est hic corpus humatum

      Quod foret et tumulo dignus in arce Petri;

Hinc uatum procerumque cohors quos cernis adesse

      Membra sub egregia sunt adoperta domo.

5

Sed dudum ut pastor magnus Leo s(a)epta gregemque

      Chisticolam seruans ianitor arcis erat.

Commonet e tumulo quod gesserat ipse superstes

      Insidians ne lupus uastet oliue dei.

Testantur missi pro recto dogmate libri

10

      Quos pia corda colunt quos praua turba timet.

Rugiit et pauida stupuerunt corda ferarum

      Pastorisque sui iussa sequuntur oues.

Hic tamen extremo iacuit sub marmore templi,

      Quem iam pontificum plura sepulchra celant.

15

Sergius antistes diuino impulsus amore

      Hunc in fronte sacrae transtulit inde domus,

Exornans rutilum pretioso marmore tumbum,

      In quo poscentes mira superna uident

Et quia praemicuit miris uirtutibus olim,

20

      Vltima pontificis gloria maior erit.

Regio I Latium et Campania / Località: Roma
Datazione: 688 d.C.

Postscriptum: sedit in episcopatu annos XXI mensem I dies XIII /depositus est III Idus [Nov(embres)] / et iterum translatus huc a beato papa Sergio / III Kal(endas) Iul(ias) indictione I

EDCS
EDB

 

Testo base di riferimento: ICUR-02, 04148

Cura dell'edizione digitale: E. Saltelli, 2011 - A. Prontera, 2022

 

Distici elegiaci