ICUR-02, 04117 = Mossong-2022, 00105

Vox arcana patris, caeli quibus aequa potestas,

      Descendit terras luce replere sua;

Hanc deus humanam sumens de uirgine formam,

      Discipulos mundo praecipienda docet.

5

Quae modo Pelagius praesul cum plebe fideli

      Exercens offert munera sacra deo

Vt Romana manu caelesti sceptra regantur

      Sit quorum imperio libera uera fides.

Pro quibus antistes reddens haec uota precatur

10

      Saecula principibus pacificata dari,

Hostibus ut domitis Petri uirtute per orbem

      Gentibus ac populis pax sit et ista fides.

Regio I Latium et Campania / Località: Roma
Datazione: 575-600 d.C.

EDCS
EDB

 

Testo base di riferimento: ICUR-02, 04117

Cura dell'edizione digitale: E. Saltelli, 2011 - A. Prontera, 2022

 

Distici elegiaci