Permalink: http://www.mqdq.it/textsce/CE|ce|1423

CLE 01423

Altaris primus per tempora multa minister

      Elegi sancti ianitor esse loci.

Nam terram repetens, quae nostra probatur origo,

      Hic tumulor muta membra Sabinus humo.

5

[N]il iuuat, immo grauat, tumulis haerere piorum,

      Sanctorum meritis optima uita prope est.

[Co]rpore non opus est, anima tendamus ad illos,

      [Q]uae bene salua potest corporis esse salus.

[Ast eg]o qui uoce psalmos modulatus et arte

10

      [Diue]rsis cecini uerba sacrata sonis,

[Corporis] hic posui sedes in limine primo,

      [Optatum] tempus certus adesse cito,

[Cum canet angelico re]sonans tuba caelitu[s ore]

      [Cogens ut scandant] castra supe[rna pios.]

15

[At tu, Laurenti ma]rtyr leuuit[a, Sabinum]

      [Leuitam angelicis t]unc quoque iunge choris.

 

Elegiac couplets