CLE 01969

Concordes animae quondam, cum uita maneret,

Moribus eximi(i)s pariles et amore iugali

Sedibus his iunctae per saecula longa quiescunt.

Nam bonus, heu, Marcus generis fastigia reddens

5

Aemilius Primus Flauianus nomine pollens,

Cum quattuor decimos complesset nobilis annos,

Tertius huic post hos finem dedit annus inicus.

Post cuius letum dulci uiduata marito

Coniux casta suum per se solata laborem

10

Iulia, femineis exemplar moribus omne,

Setina excelso genere orta et gloria gentis

Hic sita, sed sedes meruit penetrare piorum.

Elysios celebrat caro coniuncta marito.

Sexies huic decimum spatium compleuerat annus.

15

Haec monimenta aeui posuerunt munere nati,

Aemilii Aquilinus pietate et Barbarus

[Exsequias] ibi sollemni de more fre[quentant.]

 

Esametri