CLE 01829 = CIL 08, 22971 = CLEAfr-01, p 131 = CLEAfrique 00002

Liber et exuctus cura, germane, subisti

Infera desertus uita, disiunctus in aeuom

Blanda luce cares fugiens tristesque labores,

Exceptus tellure patris Plutonis in aula.

5

Rebus sollicitus fueras, dum uita maneret,

Affectus curis miseris necdum memor Orchi.

Laeserunt Parcae disiuncti sanguine caro,

Inuidia saeuo uoluit nos sternere luctu.

Sola quies retinet tumulo tellure manentem.

10

Condidimus cineres latebris et odoribus ossa.

Vixisti triginta annos duo mensibus et sex.

Nam iuuenem pater et properantem mater habetis.

Ergo uelut deus esse uelis mihi dexter in aeuom.

Pro meritis Peregrinus carmine frater adornat.

15

Lucius Vmmidius situs est hic. perlegat hospes.

1

exuctus lapis, Bücheler; exactus leg. Cagnat - Merlin - Chatelain

Usque ad versum  9 acrostichon "Liberalis" legitur

3

cares; carens coni. Bücheler

7

disiuncti; disiunctos coni. Ben Abdallah dubit.

Provincia Africa Proconsularis / Località: Hadroumetum / Sousse
Datazione: 1-200 d.C.

EDCS

 

Testo base di riferimento: CLE 01829

Cura dell'edizione digitale: A. Prontera, 2022

 

Bücheler = F. Bücheler, Carmina Latina Epigraphica, I-II, Lipsiae 1895-1897

Ben Abdallah = Z. Ben Abdallah, Catalogue des inscriptions latines païennes du Musée du Bardo, Rome 1986

Cagnat - Merlin - Chatelain = R. Cagnat, A. Merlin, L. Chatelein, Inscriptions latines d'Afrique (Tripolitaine, Tunisie, Maroc), Paris 1922

Esametri